Plantun de Prouvènço

Pèr coumpara dos planto d'encò nostre

Pseudoscleropodium purum & Cyperus esculentus

Pseudoscleropodium purum

Brachytheciaceae

Nom en français : Faux pied-dur.

Descripcioun :
Aquelo mousso pluroucarpo coumuno trachis dins li relarg d'oumbro e fres pulèu sus sòu séusous. La tijo èi regulieramen ramado. Se recounèis majamen à si fueio de cambo redouno e proun councavo que s'acabon d'un cop emé un pichot benc. La costo se vèi bèn e fai mai que la mita de la fueio.

Usanço :
Se pòu engana emé d'àutri mousso pluroucarpo di fueio larjo, pamens la costo e lou benc fan la diferènci. S'atrovo uno meno procho Scleropodium tourretii, pu pichoto, que trachis dins li relarg mai caud e que caup de fueio mens councavo e mens pounchudo.

Port : Pluroucarpo
Taio : 10 à 15 cm
Fueio : 1,8 à 2,5 mm
Tipe bioulougico :
Cicle bioulougico : Planto renadivo

Gènre : Pseudoscleropodium
Famiho : Brachytheciaceae

Ordre : Hypnales

Coulour de la flour :
Petalo : 2 à 4 cm
Ø (o loungour) flour : Coumplet
Flourido : Ivèr

Sòu : Si (Ca)
Autour basso e auto : 10 à 1800 m
Aparado : Noun
Desèmbre à mars

Liò : Sòu - Champino
Estànci : Mesoumediterran à Subaupen
Couroulougi : Oulartico
Ref. sc. : Pseudoscleropodium purum (Hedw.) M.Fleisch., 1923

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.